Sa Pransya — Sa isang resolusyong pinagtibay kahapon ng European Parliament (EP), hinihilingan nito ang Civil Liberties Committee na magsagawa ng "malalimang imbestigasyon sa American eavesdropping program, partikular na sa lihim na pakikinig nito sa mga organo ng Unyong Europeo (EU)." Ito anito ay naglalayong makakuha ng mga impormasyon at ebidensya mula sa iba't-ibang panig, at isumite ang resulta ng imbestigasyon sa parliamento sa loob ng taong ito.
Ipinahayag ng naturang resolusyon ang "grabeng pagkabahala" sa "PRISM" at iba pang eavesdropping program ng Amerika. Matindi rin nitong kinokondena ang "aksyong pang-eespiya" sa mga organo ng EU.
Salin: Li Feng