Hinggil sa CRIHinggil sa Serbisyo Filipino
   

Ika-5 round ng U.S.– China Strategic and Economic Dialogue, binuksan

(GMT+08:00) 2013-07-11 17:32:44       CRI

Sinimulan kahapon sa Washington D.C. ang ika-5 round ng U.S.– China Strategic and Economic Dialogue. Magkakasamang nangulo sa naturang diyalogo sina Wang Yang, Pangalawang Premyer at espesyal na kinatawan ni Pangulong Xi Jinping ng Tsina, at Yang Jiechi, Kasangguni ng Estado ng Tsina, John Kerry, espesyal na kinatawan ni Pangulong Barack Obama ng E.U. at Kalihim ng Estado ng E.U., at Jacob Lew, U.S.Treasury Secretary. Lumahok din sa seremoniya ng pagbubukas si Joe Biden, Pangalawang Pangulo ng E.U., at bumigkas siya ng talumpati.

Sa kanyang talumpati, sinabi ni Wang Yang na noong nakaraang buwan, nagtatagpo sina Pangulong Xi at Pangulong Obama sa Annenberg Retreat at narating nila ang mahalagang komong palagay hinggil sa pagkakatatag ng bagong uri ng relasyon sa pagitan ng malalaking bansa. Sa ika-5 diyalogong ito, dapat mapaunlad ang naturang mga komong palagay sa aktuwal na bunga para maghatid ng benepisyo sa mga mamamayan ng dalawang bansa at buong daigdig. Sinabi rin ni Wang na ang kooperasyon ng Tsina at E.U. ay makakatulong sa kapayapaan at katatagan ng buong daigdig at dapat magkasamang magsikap ang dalawang panig para rito, at lutasin ang pagkakaiba sa pamamagitan ng diyalogo.

Sinabi naman ni Yang sa kanyang talumpati na sa kasalukuyan, kinakaharap ng kapuwa Tsina at E.U. ang bagong pagkakataong pangkasaysayan. Sa pamamagitan ng diyalogo, tiyak na lalo pang palalalimin ng Tsina at E.U. ang paguunawaan, pabubutihin ang estratehikong pagtitiwalaan at pasusulungin ang kooperasyon.

Sa ngalan ng pamahalaan ng E.U., ipinahayag ni Biden ang kalungkutan sa mga Tsino na biktima ng pagbagsak ng eroplano ng Asia na Airlines sa San Francisco, California. Sa kanyang talumpati, ipinahayag ni Biden na ang Tsina at E.U. ay kapuwa malaking bansa na may impluwensiya sa daigdig, at ang relasyong Sino-Amerikano ay pinakamahalagang bilateral na relasyon ng buong daigdig. Nananalig aniya ang E.U. na ang pag-unlad ng Tsina ay makakabuti sa E.U. at buong daigdig.

Ipinahayag rin ni Kerry na dapat palakasin ng Tsina at E.U. ang diyalogo at kooperasyon. Sinabi niyang ang diyalogo ay bagong milestone para sa kooperasyon ng dalawang bansa. Umaasa siyang isasagawa ng dalawang panig ang matapat na diyalogo, pabubutihin ang pagkaunawa, at palalakasin ang kooperasyon.

Sinabi rin ni Jacob Lew na bilang dalawang malaking economy, ang pag-unlad ng kabuhayan ng kapuwa Tsina at E.U. ay magdudulot ng mahalagang epekto sa buong daigdig. Dapat matapat na magkooperasyon ang dalawang bansa para pasulungin ang balanseng pag-unlad ng bilateral na kalakalan at magkasamang harapin ang iba't ibang panganib at hamon.

Sa 2 araw na diyalogo, sa magkahiwalay na okasyon, isasagawa ng Tsina at E.U. ang estratehikong diyalogo at pangkabuhayang diyalogo.

Salin:Sarah

Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>