Hinggil sa CRIHinggil sa Serbisyo Filipino
   

Search-and-rescue vessel "Haixun 01" ng Tsina, nagsimulang dumalaw sa Indonesia, Myanmar at Malaysia

(GMT+08:00) 2013-07-15 16:56:10       CRI

Dumating kahapon sa Indonesia ang search-and-rescue vessel "Haixun 01" ng Tsina, para pasimulan ang 4-araw na dalaw-pangkaibigan doon. Pagkatapos nito, dadalaw rin sa Myanmar at Malaysia ang naturang bapor.

Sa kanyang talumpati sa seremonyang panalubong sa Tanjung Priok Port, Jakarta, ipinahayag ni Liu Jianchao, Embahador ng Tsina sa Indonesia, na sa ika-15 pulong ng mga lider ng Tsina at ASEAN noong nagdaang Nobyembre, iniharap ang mungkahi hinggil sa pagtatatag ng "partnership ng kooperasyong pandagat ng Tsina at ASEAN." Ayon sa mungkahing ito, ilalaan ng panig Tsino ang 3 bilyong yuan RMB, para itatag ang China-ASEAN Maritime Cooperation Fund. Sa kasalukuyan, pinag-aaralan at idinidisenyo ng kapuwa panig ang isang serye ng mga proyekto ng pragmatikong kooperasyong pandagat sa maraming larangan, na gaya ng kaligtasan ng paglalayag at pagliligtas sa dagat. Ang kasalukuyang pagdalaw ng "Haixun 01" sa tatlong bansang ASEAN ay nagpapakita ng katapatan at mapagkaibigang pakikitungo ng Tsina sa pagsasagawa ng kooperasyong pandagat sa ASEAN. Dagdag pa niya, tiyak na palalalimin ng naturang biyahe ang kooperasyong pandagat ng Tsina at Indonesia, pasasaganahin ang nilalaman ng estratehikong partnership ng dalawang bansa, at itatatag ang modelo para sa pagpapasulong ng kooperasyong pandagat ng Tsina at ASEAN.

Ang "Haixun 01" ang pinakamalaking search-and-rescue vessel ng Tsina na may pinakamodernong pasilidad at pinakamalakas na komprehensibong kakayahan. Ang mga pangunahing punksyon ng naturang bapor ay kinabibilangan ng paglalayag, pagliligtas ng mga buhay sa dagat, pangkagipitang paghila sa dagat, pagsupil sa polusyon sa dagat, at iba pa.

Ipinahayag naman ni Bobby R Mamahit, Direktor ng Departamento ng Transportasyong Pandagat ng Ministri ng Transportasyon ng Indonesia, na sa pamamagitan ng kasalukuyang pagdalaw ng "Haixun 01," naramdaman ng mga departamentong pandagat ng Indonesia ang matapat na mithiin ng Tsina sa kooperasyon. Binigyang-diin niyang malawak ang prospek ng kooperasyon ng Tsina at Indonesia sa iba't ibang aspektong gaya ng pangangalaga sa karapata't kapakanang pandagat at pagliligtas. Kasabay ng pagpulot sa karanasan ng Tsina, nakahanda ang panig Indonesian na ibahagi ang karanasan nito sa mga pangkagipitang kondisyon na gaya ng paghawak sa krisis ng mga pirata at pagbibigay-dagok sa mga teroristikong aktibidad sa dagat.

Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>