|
||||||||
|
||
Kamakalawa ipinalabas ng Kagawaran ng Ugnayang Panlabas ng Pilipinas ang pahayag na nagsasabing walang batayan ang mga pananalita ng Tsina hinggil sa South China Sea. Sinabi rin nitong matigas ang pakikitungo ng Tsina kaya hindi maaaring isagawa ng dalawang panig ang talastasan, at iniharap ng Pilipinas ang alitang ito sa international arbitration.
Hinggil dito, sinabi ni Hua na ikinalulungkot ng Tsina ang naturang aksyon ng Pilipinas. Hindi aniya nasisiyahan ang Tsina sa pagtanggi sa talastasan ng Pilipinas. Dagdag pa niya, buong tatag na tinututulan ng Tsina ang aksyon ng Pilipinas na dalhin sa international arbitration ang nasabing alitan.
Binigyan-diin ni Hua na ang direktang dahilan ng alitan sa pagitan ng Tsina at Pilipinas ay ang iligal na pagsakop ng Pilipinas sa ilang isla sa Nansha Islands ng Tsina. Nananangan aniya ang Tsina sa prinsipyong buong tatag na pangangalaga sa kabuuan ng teritoryo at soberanya ng bansa. Kasabay nito, batay sa pangkalahatang kalagayan ng bilateral na relasyon ng Tsina at Pilipinas at kapayapaan at katatagan ng rehiyong ito, sinabi ni Hua na nananangan ang Tsina sa kinauukulang tadhana ng pandaigdigang batas at diwa ng Declaration on the Conduct of the parties in the South China Sea. Dapat lutasin ang alitan sa pamamagitan ng bilateral na talastasan, dagdag pa niya. Pero, binigyang-diin niyang hindi magbabago ang paninindigan ng Tsina hinggil sa isyung ito.
Tinukoy ni Hua na sa kabuuan, matatag ang kalagayan sa South China Sea. Mayoong komong palagay ang Tsina at mga bansang ASEAN sa larangan ng pangangalaga sa kapayapaan at katatagan na naturang karagatan. Sinabi rin ni Hua na nakahanda ang Tsina na patuloy na magsikap para mapangalagaan ang kapayapaan at katatagan sa rehiyong ito. Dagdag ni Hua na hinihimok ng Tsina ang Pilipinas na iwasto ang kamalian at bumalik sa tumpak na paraan ng bilateral na talastasan.
Ani Hua, noong Marso ng 2010, iniharap ng Tsina na itatag ang Mekanismo ng Regular na Pagsasanggunian ng Tsina at Pilipinas sa mga isyung pandagat; at noong Hunyo ng 2012, iniharap ng Tsina na muling simulan ang "Mekanismo ng Tsina at Pilipinas" sa pagtatatag ng pagtitiwalaan. Umaasa aniya ang Tsina na gagawa ang Pilipinas ng positibong reaksyon sa naturang mga mungkahi, sa lalo madaling panahon.
Salin:Sarah
© China Radio International.CRI. All Rights Reserved. 16A Shijingshan Road, Beijing, China. 100040 |