Ipinahayag kahapon ni Punong Ministro Benjamin Netanyahu ng Israel ang pagtanggap sa pahayag ni John Kerry, Kalihim ng Estado ng Amerika, na narating ng Israel at Palestina ang inisiyal na kasunduan hinggil sa pagpapanumbalik ng talastasang pangkayapaan. Sinabi niya na ang pagpapanumbalik ng talastasang pangkapayapaan sa Palestina ay angkop sa estratehikong kapakanan ng kanyang bansa.
Nang araw ring iyon, ipinasiya ng Israel ang pagpapalaya sa mga kinulong na Palestino para sa pagpapanumbalik ng talastasan.
Sa kanyang pahayag, pinasalamatan din ni Netanyahu ang pagsisikap ng panig Amerikano. Umaasa aniya siyang isasagawa ng iba't ibang may kinalamang panig ang talastasan sa mataimtim at responsableng atityud.
Bukod dito, ipinahayag niya na ang kanyang tungkulin ay pangangalaga sa kaligtasan ng bawat sibilyang Israeli, kaya aniya matatag na igigiit ng kanyang bansa ang kahilingan sa pambansang katiwasayan sa mga talastasan sa hinaharap.