Ipinahayag kahapon ng Ministring Panlabas ng Timog Korea, na positibo ito sa mungkahi ng Hilagang Korea na idaraos sa ika-14 ng buwang ito, ang ikapitong round ng pag-uusap hinggil sa isyu ng Kaesong Industrial Complex.
Sinabi ng tagapagsalita ng Ministring Panlabas ng T.Korea, na umaasa silang magiging mabunga ang talastasan hinggil sa pagnonormalisa ng operasyon ng naturang Complex, sa hinaharap.
Nauna rito, sa kabila ng ilang round ng talastasang idinaos ng dalawang panig, hindi pa rin nagkaroon ng positibong resulta, dahil sa pagkakaiba ng palagay ng dalawang panig sa mga masusing isyu.