Ipinahayag kahapon sa Xiamen, Tsina, ni Justin Lin, dating Chief Economist at Senior Vice President ng World Bank, na may nakatagong lakas ang Tsina na panatilihin sa loob nang 20 taon ang 8% bahagdan ng paglaki ng kabuhayan kada taon. Dagdag pa niya, hanggang sa taong 2020, may posibilidad ang Tsina na maging isang bansang may mataas na kita.
Sinabi ni Lin na ang Tsina ay isang bansang may late-development advantage sa inobasyon ng teknolohiya at pag-unlad ng industriya. Kaya aniya kung patuloy na pasusulungin ng Tsina ang inobasyon ng teknolohiya, pag-unlad ng industriya at pagbubukas sa labas, maaari nitong isakatuparan ang sustenableng pag-unlad ng kabuhayan.
Sinabi naman niya na ito'y nangangahulugan na hanggang sa taong 2020, ang taunang karaniwang kita ng bawat mamamayang Tsino ay posibleng umabot sa 12.7 libong dolyares. Ayon sa istandard ng United Nations o World Bank, ito ay nagpapakitang ang Tsina ay magiging isang bansang may mataas na kita.
Salin: Ernest