|
||||||||
|
||
Sa kanilang pag-uusap ngayong araw sa Tashkent, Uzbekstan, sinang-ayunan ni Pangulong Xi Jinping ng Tsina at ng kanyang counterpart na si Islam Karimov mula sa bansang ito, ang ibayo pang pagpapasulong at pagpapalalim ng bilateral na relasyon ng dalawang panig.
Umaasa anita si Xi na ibayo pang pahihigpitin ng dalawang bansa ang kooperasyon sa negosyo, pamumuhunan, enerhiya, imprastruktura, agrikultura, at transportasyon.
Ipinahayag ni Karimov na ang kooperasyon sa enerhiya ay ang paunang bagay sa kooperasyon nila ng Tsina. Bukod dito, umaasa rin siyang mapapalalim ang kooperasyon ng dalawang panig sa kultura, kalakalan, transportasyon at imprastruktura.
Kaugnay ng kalagayang panrehiyon, buong pagkakaisang ipinalalagay nila na dapat tutulan ang pakikialam ng anumang dayuhang puwersa sa kalagayang panloob ng mga bansa sa Gitnang Asya, pahigitin ang kooperasyong panseguridad at pandepensa at bigyang-dagok ang terorismo, ekstrimismo at seperatismo.
Bukod dito, pahihigpitin naman ng dalawang bansa ang kooperasyon sa ilalim ng balangkas ng Shanghai Cooperation Organization.
Salin: Ernest
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |