Hinggil sa CRIHinggil sa Serbisyo Filipino
   

Pangulong Tsino, nagtalumpati sa Pambansang Asemblea ng Indonesia

(GMT+08:00) 2013-10-03 14:19:14       CRI

Nagtalumpati kaninang umaga si Pangulong Xi Jinping ng Tsina sa Pambansang Asemblea ng Indonesia. Sa kanyang halos 30 minutong talumpati, binanggit ni Xi, pangunahing na, ang relasyon ng Tsina at ASEAN. Nakahanda aniya ang Tsina, kasama ng Indonesia at ibang bansang ASEAN, na magkakasamang magsikap, para maging magandang kapitbansa at kaibigan, maitatag ang mas mahigpit na China-ASEAN Community, at lumikha ng mas maraming kabiyayaan para sa mga mamamayan ng kapuwa panig, maging ng rehiyong ito.

Ang Indonesia ay unang hinto sa kauna-unahang biyahe ni Xi sa Timog Silangang Asya sapul nang manungkulan siya bilang bagong Pangulo ng Tsina noong nagdaang Marso. Sa talumpating ito, binigyan niya ng mataas na pagtasa ang relasyong Sino-Indonesian. Espesyal na binanggit din niya ang mga tunay na kuwentong naganap sa mga lindol sa Aceh ng Indonesia at Wenchuan ng Tsina, at pinapurihan ang malalimang pagkakaibigan sa pagitan ng mga mamamayan ng dalawang bansa.

"Walang humpay na lumalakas ang kooperasyon ng Tsina at Indonesia sa mahahalagang suliraning panrehiyon at pandaigdig, at palaki nang palaki ang impluwensiya ng kanilang kooperasyon sa rehiyong ito, maging ng buong mundo. Ito ay may positibong katuturan para sa pagpapasulong ng mas makatarungan at makatwirang kaayusan ng pulitika't kabuhayang pandaigdig."

Ang kasalukuyang taon ay ika-10 anibersaryo ng pagkakatatag ng estratehikong partnership ng Tsina at ASEAN, kaya ang talumpati ni Xi ay nakapokus sa pag-unlad ng relasyon ng kapuwa panig sa hinaharap. Iniharap din niya ang mga konkretong mungkahi ng panig Tsino tungkol dito: nakahanda ang Tsina na talakayin, kasama ng mga bansang ASEAN ang paglagda sa kasunduan hinggil sa kooperasyong pangkapitbansa at pangkaibigan; patataasin ang lebel ng China ASEAN Free Trade Area (CAFTA); patataasin ang kabuuang halaga ng kalakalan ng kapuwa panig sa 1 trilyong dolyares sa taong 2020; babalakin ang pagtatatag ng bangko ng pamumuhunan sa imprastruktura ng Asya; magkasamang itatatag ang "overseas silk road"; ibayo pang kukumpletuhin ang mekanismo ng pulong ng mga ministrong pandepensa ng Tsina at ASEAN; idaraos ang regular na diyalogo hinggil sa katiwasayang panrehiyon; ituturing na taon ng pagpapalitang kultural ng Tsina't ASEAN ang taong 2014; ipagkakaloob ang government scholarship sa 15 libong estudyente ng ASEAN sa darating na tatlo hanggang limang taon at iba pa.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>