Kahapon (oras ng Amerika) ay ika-apat na araw ng pagsara ng Pamahalaang Amerikano. Patuloy pa rin ang deadlock na pulitikal sa pagitan ng mga Republikano at Demokrata.
Binatikos kamakalawa ni Pangulong Barack Obama ang mga Republikano sa pagtutol sa healthcare program niya. Ito aniya ang dahilan ng pagsara ng Pamahalaan. Pinakli naman kahapon ni John A. Boehner, Ispiker ng Mababang Kapulungan ang pagbatikos ni Obama. Binigyang-diin ni Boehner na hindi laro ang pagsara ng Pamahalaan at ang siyang tanging kahilingan ng mga Republikano ay ang pag-uusap ng dalawang Partido para malutas ang krisis.
Ayon sa opiniyong publiko, ang pahayag ni Boehner ay nagpapakitang hindi nagbabago ang paninindigan ng mga Republikano at maaaring pagsamahin ang isyu ng government budget at healthcare program ni Obama.
Ayon sa ulat kamakalawa ng Kagawaran ng Tesorerya ng Amerika, kung patuloy na ipagpapaliban ang paglutas sa isyu ng debt ceiling, magdudulot ito ng makapipinsalang resulta sa kabuhayan hindi lamang ng Amerika kundi maging ng buong mundo.
Salin: Jade