Idinaos kahapon sa Bandar Seri-Begawan, Brunei, ang ika-16 na Summit ng Tsina at ASEAN(10+1). Dumalo sa pulong si Premyer Li Keqiang ng Tsina, kasama ng mga lider ng 10 bansa ng ASEAN. Nagpalitan ng kuru-kuro ang mga kalahok hinggil sa pagpapapalim ng relasyon ng Tsina at ASEAN, at pagpapasulong ng kanilang kooeprasyon sa hinaharap. Malawak na pagkakasundo ang narating sa pulong hinggil dito.
Sa kanyang talumpati sa pulong, sinariwa ng Premyer Tsino ang pag-unlad ng estratehikong partnership ng Tsina at ASEAN, nitong sampung taong nakararaan. Iniharap din ni Li ang mungkahi tungkol sa kooperasyon ng Tsina at ASEAN sa susunod na sampung taon. Binigyang-diin niya na umaasa ang Tsina na palalakasin ang estratehikong pagtitiwalaan ng dalawang panig, at palalalimin ang pagtutulungan sa ibat-ibang larangan, para maisakatuparan ang magkasamang pag-unlad.
Katanggap-tanggap naman para sa mga lider ng ASEAN ang pahayag ng lider Tsino. Ipinahayag din nilang magsisikap sila, kasama ng Tsina para lumikha ng mas magandang kapaligiran sa pagpapaunlad ng relasyon sa pagitan ng Tsina at ASEAN, sa darating na sampung taon.
