Sinabi kahapon sa Beijing ni Tagapagsalita Hua Chunying ng Ministring Panlabas ng Tsina, na nakahanda ang kanyang bansa, kasama ng mga bansang ASEAN, na patuloy at buong tatag na pasulungin ang pagtatakda ng Code of Conduct in the South China Sea (COC). Pero, ito aniya ay dapat naaayon sa proseso ng komprehensibo at epektibong pagpapatupad ng Declaration on the Conduct of Parties in the South China Sea (DOC).
Dagdag ni Hua, may mahalagang komong palagay ang Tsina at mga bansang ASEAN sa pangangalaga sa kapayapaan at katatagan ng South China Sea. Aniya pa, sa usapin ng COC, pananatilihin ng Tsina ang mahigpit na pakikipag-ugnayan sa mga bansang ASEAN, at igigiit ang diyalogo at kooperasyon.
Salin: Liu Kai