Hinggil sa CRIHinggil sa Serbisyo Filipino
   

(update) Premiyer Li, kinatagpo ng mga lider ng Byetnam

(GMT+08:00) 2013-10-15 11:40:50       CRI
Kinatagpo kahapon ni Li Keqiang, Premiyer ng Tsina na dumadalaw sa Byetnam sina Pangkalahatang Kalihim ng Komite Sentral ng Partido Komunista ng Biyetnam (CPV) na Nguyen Phu Trọng, Pangulong Truong Tan Sang, at Tagapangulo ng Pambansang Asemblea na Nguyen Sinh Hung ng Byetnam.

Sa kanyang pakikipagtagpo kay Nguyen Phu Trọng, Pangkalahatang Kalihim ng Komite Sentral ng Partido Komunista ng Biyetnam (CPV), sinabi ni Li na nakahanda ang panig Tsino, kasama ng Biyetnam, na panatilihin ang pagpapalagayan sa mataas na antas, palalimin ang aktuwal na kooperasyon at pasulungin ang bilateral na relasyon.

Ipinahayag naman ni Nguyen Phu Trọng na mayroong malawak na komong kapakanan ang Biyetnam at Tsina. Nakahanda aniya siyang panatilihin, kasama ng Tsina ang malusog at matatag na pag-unlad ng relasyon ng dalawang panig.

Kaugnay ng isyu ng South China Sea, sinabi ni Li na dapat maayos na kontrolin ng dalawang panig ang hidwaan sa isyung ito at isakatuparan ang mga narating na nagkakaisang posisyon hinggil dito.

Sinang-ayunan ni Nguyen Phu Trọng ang palagay ni Li. Sinabi niya na nakahanda ang kanyang bansa na maayos na lutasin, kasama ng Tsina, ang hidwaan sa isyu ng South China Sea.

Sa kanyang pakikipagtagpo kay Pangulong Truong Tan Sang ng Byetnam, ipinahayag ni Li ang pag-asang maisasakatuparan ng dalawang bansa ang mga narating na nagkakaisang posisyon ng kanilang mga pamahalaan para ibayo pang pasulungin ang komprehensibing estratehikong partnership ng dalawang panig.

At sa kanyang pakikipagtagpo kay Nguyen Sinh Hung, Tagapangulo ng Pambansang Asemblea ng Byetnam, sinabi ni Li na patuloy na igigiit ng Tsina ang patakarang mapagkaibigan sa Biyetnam. Umaasa aniya siyang kakatigan ng Pambansang Asemblea ng Biyetnam ang narating na nagkakaisang posisyon ng mga pamahalaan ng dalawang bansa sa mga isyung pandagat, panlupa at pinansyal para pasulungin ang bilateral na relasyon ng dalawang panig.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>