Sinabi kahapon ni Lai Tung-kwok, Secretary for Security ng Hong Kong Special Administrative Region (HKSAR) ng Tsina, na nitong nakalipas na ilang linggo, bumibilis na ang proseso ng paghawak sa Manila Hostage Inccident. Aniya, pananatilihin ng pamahalaan ng HKSAR ang pakikipag-ugnayan sa panig Pilipino hinggil sa isyung ito, at ipapalabas sa publiko kung may mga malaking bunga.
Nagpahayag din si Lai ng pag-asang maaabot sa lalong madaling panahon ang isang katanggap-tanggap at kasiya-siyang resulta kaugnay ng insidenteng ito. Aniya, gagawa ang pamahalaan ng HKSAR ng pinakamalaking pagsisikap, para matugunan ang apat na kahilingan ng mga nasugatan at mga pamilyang namatayan.
Salin: Liu Kai