Sa India — Binuksan dito ngayong araw (local time) ang dalawang araw na Ika-11 Asian-European Foreign Ministers' Meeting na dinaluhan ng mga kinatawan mula sa 51 kasapi ng Asia-Europe Meeting (ASEM), kabilang na ang 34 na Ministrong Panlabas. Dumalo sa pulong ang delegasyong Tsino na pinamumunuan ni Ministrong Panlabas Wang Yi ng Tsina.
Sa kanyang talumpati sa seremonya ng pagbubukas, binigyang-diin ni Ministrong Panlabas Salman Khurshid ng India na dapat palakasin ng iba't-ibang kasapi ng ASEM ang kooperasyon, at umaasa aniya siyang matatamo ng pulong ang aktuwal na bunga.
Sa pulong, tatalakayin ng mga kalahok ang hinggil sa, pangunahin na, paglaki ng Asian-European economy at sustenableng pag-unlad, hamong panseguridad mula sa di-tradisyonal na larangan, at mga isyung panrehiyon at pandaigdig na kapwa nila pinahahalagahan.
Salin: Li Feng