Dumating ng Beijing kahapon si Pangalawang Pangulong Joseph Biden ng Estados Unidos ay dumating ng Beijing kahapon at nagsimula ang kanyang pagdalaw sa Tsina. Kahapon ng hapon, idinaos nina Pangulong Xi Jinping ng Tsina at Joseph Biden ang 4 na oras na pag-uusap sa Great Hall of the People dito sa Beijing.
Sa pag-uusap, buong pagkakaisang ipinalalagay ng dalawang panig na dapat palakasin ng Tsina at E.U. ang diyalogo, pagpapalitan at kooperasyon, dapat magkasamang magsikap ang dalawang panig para pasulungin ang konstruksyon ng bagong istilo ng relasyo ng mga malalaking bansa. Tinukoy ni Xi na bilang dalawang pinakamalaking ekonomya at pirmihang kasaping bansa ng UN Security Council, may responsibilidad ang Tsina at E.U. sa pangangalaga sa kapayapaan at katatagan ng daigdig, ang pagpapalakas ng diyalogo at kooperasyon ay tanging tumpak na pagpili ng dalawang bansa. Kaya aniya dapat igalang ng dalawang bansa ang kani-kanilang nukleong kapakanan at maayos na hawakan ang mga sensetibong isyu at hidwaan sa pagitan ng dalawang panig para igarantiya ang malusog, matatag at pangmatagalang pag-unlad ng relasyong Sino-Amerikano.
Ipinahayag ni Biden na nakahanda ang Amerika na pasulungin, kasama ng Tsina ang kanilang bagong istilo ng relasyon sa pagitan ng mga malaking bansa. Sa pag-uusap, ipinahayag ni Biden na mayroong pag-asa at pagkakataon sa naturang relasyon, at maaaring maiwasan ang pagulit ng kasaysayan kung saan palagiang nagaganap ang sagupaan sa pagitan ng mga malaking bansa.
Bukod dito, ipinahayag rin ni Biden na sa ika-3 Sesyong Plenaryo ng Ika-18 Komite Sentral ng Partido Komunista ng Tsina o CPC, ipinasiya ng CPC na komprehensibong palalimin ang reporma, at ang kapasiyahang ito ay nag-iwan ng malalim na impresyon sa E.U.. Ipinahayag ni Biden na ang pagpapanatili ng Tsina ng pag-unlad ay angkop sa kapakanan ng E.U.. nakahanda ang E.U. na palaksin ang pragmatikong pakikipagkooperasyon sa Tsina, palakasin ang pagpapalitan ng mga hukbo ng dalawang bansa, kontrolin ang pagkakaiba, para pasulungin ang walang humpay na pag-unlad ng relasyon ng Tsina at E.U..
Bukod dito, sa pag-uusap, nanawagan si Pangulong Xi Jinping na aktibong palawakin ng dalawang bansa ang kooperasyon sa iba't ibang larangan. Inulit rin ni Pangulong Xi ang paninindigan at prinsipyo ng Tsina sa ilang sensitibong isyung tulad ng isyu ng Taiwan, isyu ng Tibet at iba pa.
Salin:Sarah
