Patuloy hanggang kahapon ang paghahanap ng mga bapor at eroplano ng mga bansang gaya ng Tsina at Australia, sa nawawalang flight MH370 ng Malaysia Airlines. Ngunit, wala pang malaking progreso sa araw na ito.
Ipinahayag ni Tony Abbott, Punong Ministro ng Australia, na bagama't ang search operation sa MH370 ay itinuturing na "pinakamahirap" na paghahanap sa kasaysayan ng sangkatauhan, magsisikap ang Australia, hangga't makakaya, para hanapin ang eroplanong ito.
Ayon naman kay He Jianzhong, Puno ng Maritime Search and Rescue Center ng Tsina, palalakasin ng panig Tsino ang pakikipag-ugnayan sa mga may-kinalamang organo ng Australia, at palalakasin ang kooperasyon ng puwersang pandagat at panghimpapawid para magkakasamang hanapin ang nawawalang eroplano.
Salin: Li Feng