|
||||||||
|
||
ISANG grupong nagpapahalaga sa buhay ang magsasagawa ng kanilang lakbayan mula Caloocan hanggang Paranque City upang humingi ng kapatawaran para sa mga kasalanan laban sa kasagraduhan ng buhay at ng tradisyunal na kasal.
Isasagawa ito bukas at sisimulan sa Diocesan Shrine of Our Lady of Grace sa Grace Park, Caloocan City sa ganap na ika-walo ng umaga.
Pinangalanang "Annual Filipinos for Life Lenten Pilgrimage" daraan ito sa ilang mga simbahan sa ruta ng Light Rail Transit 1 at magtatapos sa National Shrine of Our Mother of Perpetual Help sa Baclaran.
Ang taunang proyekto ay sa pamamagitan ng Filipinos for Life sa ilalim ng pangulong si Anthony James Perez. Nasa ikatlong taon na ito at may habang 20 kilometro mula sa Monumento hanggang Baclaran. Ipagdarasal ng mga kalahok ang patuloy na pagpapahalaga ng mga Pilipino sa tradisyunal na Filipino values.
Daraan ang mga kasapi ng Filipinos for Life sa St. Pancratius Church sa La Loma, San Roque Church sa Blumentritt, Espiritu Santo sa Tayuman, Quiapo Church o Basilica Minore of the Black Nazarene, Binondo Church o San Lorenzo Ruiz, Nuestra Senora de Guia o Ermita Church, Nuestra Senora de los Remedios o Malate Church at Baclaran sa National Shrine of Our Mother of Perpetual Help.
Manananghalian ang mga kalahok sa Binondo Church.
© China Radio International.CRI. All Rights Reserved. 16A Shijingshan Road, Beijing, China. 100040 |