Sa ngalan ng pulong sa suliraning pandepensa ng Amerika at Timog Korea, nagpalabas kahapon ng magkasanib na pahayag ang Pentagon na nagsasabing palalakasin ng dalawang bansang ito ang kooperasyon bilang tugon sa mga probokatibong aksyon ng Hilagang Korea.
Anang pahayag, sa dalawang araw na pulong na ito, buong pagkakaisang ipinalalagay ng Amerika at T.Korea na nakakapinsala sa katatagan ng Korean Peninsula at rehiyon ng Hilagang Silangang Asya ang mga ginawang aksyon kamakailan ng H.Korea na gaya ng paglulunsad ng mga missiles, panganganyon sa rehiyong pandagat ng Korean Peninsula, pagpapadala ng maliit na drone sa T.Korea, at pagpapalabas ng bantang isagawa ang nuclear test. Ipinahayag din ng Amerika at T.Korea na palalakasin nila ang koordinasyon at kooperasyon para mas mabuting maharap ang mga banta at probokasyon na galing sa H.Korea.
Salin: Liu Kai