|
||||||||
|
||
NAGHINTAY ang dalawang kalalakihang matapos awitin ang pambansang awit at binaril ang punongbayan ng Gonzaga sa Lalawigan ng Cagayan kaninang umaga.
Naghihinala ang pulisya, ayon sa ulat ng DzBB-GMA Radio, na mga gerilyang mula sa New People's Army ang may kagagawan ng krimen.
Sa panayam ng media kay Sr. Supt. Gregorio Lim, naghahanda si Mayor Carlito Pentecostes, Jr. na magtalumpati ng lapitan ng dalawang kalalakihan at paputukan.
Ayon sa pulisya, nagkaroon ng may 20 mga pinaghihinalaang gerilya sa pook samantalang isinasagawa ang flag-raising ceremony. Nasawi ang punongbayan dahilan sa tatlong tama ng bala sa kanyang katawan.
Sa isang hiwalay na ulat, ibinalita ng Bombo Radyo na nagangap ang pamamaril mga ika-walo ng umaga.
Nabatid na naka-uniporme ng camouflage ang mga namaril. Dalawa rin sa bodyguard ng punongbayan ang nabalitang nasawi. Nagkaputukan ang mga armado at mga pulis subalit biglang umatras ang mga gerilya matapos mapaslang ang punongbayan. Nakatakas sila sakay ng isang sasakyan ng pulisya.
Sakay ang mga armado sa isang Elf-type truck at isang van. Posible umanong mayroong kinalaman ang isyu ng black sand mining na tinutuligsa ng NPA sa nakalipas na panahon.
© China Radio International.CRI. All Rights Reserved. 16A Shijingshan Road, Beijing, China. 100040 |