|
||||||||
|
||
SINABI ni Manila Archbishop Luis Antonio G. Cardinal Tagle na walang dapat ipangamba ang mga mamamayang magsimulang-muli sa paghahanap ng kapayapaan lalo't higit na ang Pasko ng Pagkabuhay ay senyal ng pagbabago.
Sa pagkakaroon ng tunay na kapayapaan mula sa nabuhay na mag-uling Hesukristo, makapagsisimulang muli ang lahat. Nanawagan din siya kay Hesukristo na ipadala ang Banal na Ispiritu sa mga Pilipino.
Binanggit niya ang Bangsamoro, ang mga komunidad na napinsala ng lindol, bagyo at mga sagupaan.
Samantala, sinabi ni San Carlos Bishop Gerardo A. Alminaza na ang Pasko ng Pagkabuhay ay higit na magiging makabuluhan sa paghahatid ng liwanag sa mga nalilimutan ng lipunan, ang mga walang hanapbuhay, walang tahanan, mga nagugutom, mga walang damit, sa pagpupunyagi ng madalang magkaroon ng bagong daigdig.
Nagaganap ang pagbabago sa pagkakaroon ng pagpapahalaga sa katarungang panglipunan, sa pagkakaroon ng social inclusion. Responsibilidad ng lahat ang kanilang kalapit-bahay. Nararapat lamang iwaksi ang pagiging makasarili at gahaman.
Kailangang maunawaan ang mga nagaganap sa makasalanang social structure, ang sistema ng nagpapanatili ng kawalan ng patas na pagkakataon, ang pagkagutom sa panahon ng kasaganaan at ang pagkakaroon ng monopoly ng poder sa gitna ng kawalan ng nakararami. May balak ang Diyos para sa lahat at 'di para sa mangilan-ngilan lamang.
Nararapat ding daluhan ang mga nangangailangan at walang poder at maitaas sila sa tamang kalalagyan. Ang mga social action center, ang mga obispo, pari, mga relihiyoso at mga layko sampu ng kanilang mga samahan ang nararapat makasama ng maraming mahihirap.
© China Radio International.CRI. All Rights Reserved. 16A Shijingshan Road, Beijing, China. 100040 |