|
||||||||
|
||
AKLAT HINGGIL SA MGA MAY KAPANSANAN INILUNSAD. Binati ni Ellen Tordesillas ng Vera Files ang lahat ng tumulong sa pagbuo ng The Right to Vote, isang aklat hinggil sa mga may kapansanan na nakaboto noong 2013. (Melo M. Acuna)
ISANG malaking okasyon para sa mga Filipinong may kapansanan ang naganap kahapon sa paglulunsad ng aklat na The Right to Vote: Filipinos with Disabilities and the 2013 Elections na naglalaman ng kaukulang hakbang na ginawa ng pamahalaan at lipunan upang makalahok sa halalan.
Ayon kay Dr. Steven Rood, Country Director ng The Asia Foundation, malaking bagay para sa mga may kapansanang makalahok sa halalan sa pagboto ng kanilang mga napupusuang mga kandidato.
Pinamunuan ng VERA Files, ang aklat na may 173 pahina ang nagsusuri sa mga nakamtang biyaya at nasabat na suliranin ng Commission on Elections at ang Inter-Agency at NGO Network on Empowerment of PWDs at ng kampanyang "Fully Abled Nation" campaign upang makalahok ang karamihan ng mga bulag, pipi, bingi, at pilay sa halalan.
Inilathala ng The Asia Foundation at suportado rin ng pamahalaan ng Australia, ay akda nina Artha Kira Paredes, Lala Ordones, Avigail Olarte at Maribel Buenaobra. Naging mga patnugot sina Luz Rimban at Yvonne T. Chua.
© China Radio International.CRI. All Rights Reserved. 16A Shijingshan Road, Beijing, China. 100040 |