Dahil sa pagbeto ng Tsina at Rusya, hindi napagtibay kahapon sa UN Security Council ang isang burador na resolusyon hinggil sa paghaharap ng isyu ng Syria sa International Criminal Court (ICC).
Kaugnay nito, sinabi nang araw ring iyon ni Wang Min, Pangalawang Pirmihang Kinatawan ng Tsina sa UN, na tinututulan din ng kanyang bansa ang anumang aksyon ng paglabag sa pandaigdig na batas at paglapastangan sa karapatang pantao sa sagupaan ng Syria. Pero aniya, sa kasalukuyang kalagayan, ang paghaharap ng isyu ng Syria sa ICC ay hindi makakabuti sa pagtatatag ng pagtitiwalaan ng iba't ibang panig ng Syria, hindi makakatulong sa pagpapanumbalik ng ikatlong round ng pandaigdig na talastasan sa Geneva hinggil sa isyu ng Syria, at makakapinsala rin sa pagsisikap ng komunidad ng daigdig para malutas ang naturang isyu sa paraang pulitikal.
Salin: Liu Kai
