Ipinahayag kahapon ni Tagapagsalita Hong Lei ng Ministring Panlabas ng Tsina na patuloy na lalabanan ng kanyang bansa ang panghaharas ng Biyetnam sa oil drilling ng bahay-kalakal na Tsino sa karagatan ng Xisha Islands. Dagdag ni Hong, ang pagpapalawak at pagpapasalimuot ng Biyetnam sa kasalukuyang pangyayari ay makakapinsala lamang sa sarili nitong interes sa bandang huli.
Inulit din ni Hong na ang rehiyong pandagat kung saan isinasagawa ng bahay-kalakal na Tsino ang oil drilling ay nasa loob ng saklaw ng teritoryo ng Tsina. Aniya, ang ginagawang panghaharas ng Biyetnam ay grabeng lumalapastangan sa soberanya ng Tsina, makakapinsala sa kaligtasan ng mga tauhan at kagamitang Tsino, lumalabag sa pandaigdig na batas, at sumasabotahe sa kalayaan at kaligtasan ng nabigasyon sa naturang karagatan.
Salin: Liu Kai