Nagbigay-galang kamakailan si Xie Feng, Embahador ng Tsina sa Indonesia kay Ahmad Rusdi, Puno ng Protocol at Consular Department ng Ministring Panlabas ng bansang ito, at isinumite ang kanyang kredensyal.
Sinabi ni Embahador Xie na kasalukuyang nananatiling mainam ang relasyong Sino-Indones. Aniya, noong Oktubre, matagumpay ang pagdalaw ni Pangulong Xi Jinping ng Tsina sa Indonesia, at sa pakikipag-usap kay Pangulong Susilo Bambang Yudhoyono ng Indonesia, buong pagkakaisang sumang-ayon ang dalawang lider na itaas ang bilateral na relasyon ng dalawang bansa sa antas ng komprehensibong estratehikong partnership. Sinabi ni Xie na bilang embahador ng Tsina, nakahanda siyang magsikap, kasama ng panig Indones para palalimin pa ang naturang partnership sa ibat-ibang larangan. Ipinahayag din ni Xie ang pasasalamat sa mainit na pagtanggap ng panig Indones sa kanya.
Ipinahayag naman ni Rusdi ang mainit na pagsalubong sa bagong Embahador ng Tsina. Sinabi niya na positibo ang Indonesia sa pagpapasulong ng pakikipagtulungan sa Tsina, at optimistiko siya sa naturang pagtutulungan sa hinaharap.