Ipinatalastas kahapon ng European Commission ang pagsisimula ng imbestigasyon sa mga kaso ng "corporate taxation" ng ilang transnasyonal na kompanya na kinabibilangan ng Apple, Starbucks at Fiat sa Ireland, Netherlands at Luxembourg--tatlong bansang Europeo.
Ang pokus ng imbestigasyong ito ay kung angkop o hindi sa regulasyon ng Unyong Europeo ang pagbibigay ng nabanggit na tatlong bansa ng preperensyal na patakaran sa income tax ng naturang mga kompanya.
Kaugnay nito, sinabi ni Joaquin Almunia, EU Commissioner for Competition, na sa ilalim ng kasalukuyang kapaligirang pangkabuhayan ng Europa, dapat magbayad ng karampatang buwis ang mga malaking transnasyonal na kompanya.
Salin: Liu Kai