Nanawagan kahapon ang UN Security Council sa Israel at Palestina na pahupain ang kasalukuyang kalagayan sa pagitan ng dalawang panig.
Sa pahayag na ipinalabas ng UNSC, ipinahayag nito ang malubhang pagkabahala sa krisis ng Gaza Strip. Nanawagan din ang UNSC sa naturang dalawang bansa na muling isakatuparan ang kasunduan ng tigil-putukan na narating nila noong Nobyembre ng taong 2012.
Bukod dito, kinatigan ng UNSC ang pagpapanumbalik ng Israel at Palestina ng direktang talastasan para marating ang komprehensibong kasunduang pangkapayapaan.