Sinabi kahapon ni Ban Ki-moon, Pangkalahatang Kalihim ng United Nations (UN), na naniniwala siyang pasusulungin ang tigil-putukan ng Israel at Palestina sa lalong madaling panahon.
Sa kasalukuyan, isinasagawa ni Ban ang medyasyon sa Gitnang Silangan para sa nasabing target.
Naiulat kahapon sa Ramallah, Jordan, ni Ban sa UN Security Council ang kalagayan ng Gaza Strip sa pamamagitan ng video conference. Sinabi niya na isinagawa, kasama ng mga lider ng mga bansa sa rehiyong ito, ang maayos at mabisang pagtalakay hinggil sa isyung ito. Naniniwala aniya siyang ito ay makakatulong sa pagsasakatuparan ng tigil-putukan ng Israel at Palestina sa lalong madaling panahon.
Nang araw ring iyon, dumalaw si Ban sa Israel para manawagang magtimpi ang tropang Israeli sa akyong militar sa Gaza Strip.
Salin: Ernest