|
||||||||
|
||
Nag-usap kahapon sa Doha, kabisera ng Qatar, sina Wu Sike, Espesyal na Sugo ng Tsina sa isyu ng Gitnang Silangan, at Khaled Meshaal, Tagapangulo ng Pulitburo ng Islamic Resistance Movement (HAMAS), hinggil sa pagsasakatuparan ng tigil-putukan ng Israel at Palestina.
Sinabi ni Wu na ang sagupaan sa pagitan ng Israel at Palestina ay nagdulot ng malubhang kasuwalti at kapinsalaan sa ari-arian. Kaya ang kasalukuyang pangunahing gawain ay pagsasakatuparan ng tigil-putukan.
Sinabi pa ni Wu na nakahanda ang Tsina na pasulungin ang pagsasakatuparan ng naturang target at ipagkaloob ang mga makataong tulong sa mga apektadong mamamayan sa Palestina at Gaza Strip.
Pinasalamatan ni Meshaal ang mga pagsisikap ng Tsina para pasulungin ang tigil-putukan ng Israel at Palestina at ipagkaloob ang mga makataong tulong. Binigyang-diin din niya na nakahanda ang Hamas na isakatuparan ang tigil-putukan sa pundasyon ng pag-aalis ng blokeyo sa Gaza Strip at paggalang sa lehitimong kapakanan at karapatan ng mga mamamayan ng Palestina.
Salin: Ernest
© China Radio International.CRI. All Rights Reserved. 16A Shijingshan Road, Beijing, China. 100040 |