Nag-usap kahapon sa Jakarta, Indonesia si Purnomo Yusgiantoro, Ministro ng Tanggulan ng Indonesia, at ang dumadalaw na si Fan Changlong, Pangalawang Tagapangulo ng Central Military Commission ng Partido Komunista ng Tsina.
Sinabi ni Yusgiantoro na nitong ilang taong nakalipas, umuunlad ang kooperasyon ng dalawang bansa sa iba't ibang larangan. Umaasa aniya siyang ibayo pang pahihigpitin ng mga hukbo ng dalawang bansa ang mga kooperasyon sa mga larangan na gaya ng gawaing pandepensa, diyalogo ng hukbong pandagat, at magkasanib na pagsasanay.
Sinabi naman ni Fan na mabunga ang mga kooperasyon ng mga hukbo ng dalawang bansa. Nakahanda ang hukbong Tsino na pahigpitin, kasama ng hukbo ng Indonesia, ang pagpapalagayan ng mga tauhan, kooperasyong pandepensa sa dagat, at multilateral na kooperasyong panseguridad, aniya pa.
Salin: Ernest