Maraming panig na kinabibilangan ng UN, at iba pa, ang nanawagan kagabi sa Palestina at Isael na tanggapin ang makataong mungkahi ng tigil-putukan. Ipinahayag kaninang madaling araw ng Palestinian Islamic Resistance Movement (Hamas) na katanggap-tanggap ang naturang mungkahi ng UN na itigil ang putukan sa Gaza Strip sa loob ng 12 oras.
Sa isang maikling pahayag, sinabi ni Sami Abu-Zuhri, Tagapagsalita ng Hamas, na sinang-ayunan ng iba't-ibang paksyon ng bansa na kinabibilangan ng Hamas, ang nasabing mungkahi ng UN, at tatagal ng tigil-putukan mula alas-8:00 ngayong umaga (local time) hanggang alas-8:00 mamamayang gabi.
Kaugnay nito, hinimok kahapon ni Tagapagsalita Hong Lei ng Ministring Panlabas ng Tsina ang Palestina at Israel na mataimtim na pakitunguhan ang panawagan ng komunidad ng daigdig at UN Security Council, at makipagkooperasyon sa medyasyon ng komunidad ng daigdig, at agarang isakatuparan ang walang pasubaling tigil-putukan.
Salin: Li Feng