Kaugnay ng pangyayari ng pagpapatalastas ng Mababang Kapulungan ng Parliamento ng Britanya na sinimulang isagawa ang pagtatanong tungkol sa kalagayan ng pagsasagawa ng "Magkasanib na Pahayag ng Tsina at Britanya," ipinahayag kahapon ni Tagapagsalita Hong Lei ng Ministring Panlabas ng Tsina na ang aksyon ng panig Britaniko ay panghihimasok sa mga suliraning panloob ng Tsina. Hinihimok aniya ng panig Tsino ang panig Britaniko na agarang itigil ang panghihimasok sa suliranin ng Hong Kong sa anumang porma, at pangalagaan ang malusog na pag-unlad ng relasyong Sino-Britaniko sa aktuwal na aksyon.
Dagdag pa ni Hong, bilang tugon, nagharap na ng panig Tsino ang solemnang representasyon sa panig Britaniko. Hinihimok aniya ng panig Tsino ang panig Britaniko na totohanang igalang ang posisyon at pagkabahala ng panig Tsino, at tupdin ang may-kinalamang pangako nito.
Salin: Li Feng