|
||||||||
|
||
Patuloy hanggang ngayon ang sagupaan sa pagitan ng Palestina at Israel. Ayon sa awtoridad ng Palestina, isang pamilihan sa silangan ng Gaza ang kinanyon kagabi ng tropang Israeli, na ikinamatay ng 17 Palestino at ikinasugat ng 160 iba pa.
Sa isa namang pahayag na ipinalabas kahapon ng panig militar ng Israel, kinumpirma nito na nalagasan sila ng tatlong sundalo. Hanggang sa kasalukuyan, 56 na sundalong Israeli na ang nasawi sa isinasagawang Operation Protective Edge ng Israel.
Nang araw ring iyon, napagpasiyahan ng Algeria na magkaloob sa Gaza ng 25 milyong dolyares bilang pangkagipitang makataong tulong.
Salin: Wang Tao
© China Radio International.CRI. All Rights Reserved. 16A Shijingshan Road, Beijing, China. 100040 |