|
||||||||
|
||
Idinaos kahapon sa Rehiyong Awtonomo ng Uyghur ng Xinjiang ang pulong hinggil sa kaso ng pagpatay kay Jume Tahir, imam ng Id Kah Mosque sa Kashgar. Bago nagsimula ang pulong, inalay ang 3 minutong katahimikan ng lahat ng mga lumahok bilang pagluluksa kay Imam Tahir.
Si Imam Tahir na 74 na taong gulang ay pinatay ng tatlong suspek alas-6:58 kamakalawa ng umaga pagkaraang mangulo sa pagdarasal sa moske. Ayon sa inisyal na imbestigasyon, ang tatlong suspek ay kinilalang sina Turghun Tursun, Memetjan Remutillan at Nurmemet Abidilimit. Nagplano sila ng di-umano'y "malaking pangyayari" para mapalakas ang kanilang impluwensiya.
Nanawagan sa nasabing pulong si Zhang Chunxian, Miyembro ng Pulitburo ng Komite Sentral ng Partido Komunista ng Tsina at Party Chief ng Xinjian, sa lahat ng mga mamamayan ng Xinjiang na magkaisa para mabigyan-dagok ang mga terorista at ekstrimista at mapangalagaan ang pagbubuklod ng rehiyon.
Isinasagawa pa rin ang ibayo pang imbestigasyon.
Nanungkulan si Tahir bilang imam sa Id Kah Mosque sapul noong 2003. Siya ay kilalang-kilalang Islamic religious leadr at Pangalawang Presidente ng China Islamic Association. Dati rin siyang deputado ng Pambansang Kongresong Bayan, kataas-taasang lehislatura ng bansa.
Ang Id Kah Mosque na may 600 taong kasaysayan ay tumatanggap ng mahigit 2,000 Muslims araw-araw.
Salin: Jade
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |