Hinggil sa CRIHinggil sa Serbisyo Filipino
   

Pandaigdig na imbestigador, nakarating sa lugar na pinagbagsakan ng MH17

(GMT+08:00) 2014-08-01 15:28:02       CRI

Ayon sa pahayag sa social media ng Organization for Security and Cooperation in Europe (OSCE), nakarating kahapon ang apat na pandaigdig na imbestigador sa lugar na pinagbagsakan ng Flight MH17 ng Malaysia Airlines, sa dakong silangan ng Ukraine.

Mula sa Netherlands at Australia ang nasabing apat na imbestigador.

Sinang-ayunan din kahapon ng Ukraine ang pagpapadala ng Netherlands at Australia ng 950 armado at di-armadong tauhan sa lugar na pinagbagsakan para isagawa ang imbestigasyon at tiyakin ang proteksyon ng mga imbestigador.

Nauna rito, dahil sa naiulat na matinding palit-putukan ng tropa ng pamahalaan ng Ukraine at mga rebelde, hindi nakapasok sa lugar na pinagbagsakan ang mga pandaigdig na imbestigador.

Noong ika-21 ng nagdaang Hulyo, pinagtibay ng UN Security Council ang Resolusyon Bilang 2166. Hinihiling ng Resolusyon sa lahat ng mga may kinalamang panig na magkoordinahan hinggil sa pandaigdig na imbestigasyon sa trahediyang ito.

Bumagsak ang MH17 noong ika-17 ng Hulyo sa dakong silangan ng Ukraine sa hanggahan ng Rusya habang lumilipad mula sa Amsterdam, Netherlands patungong Kuala Lumpur, Malaysia.

Namatay ang lahat ng 283 pasahero at 15 tauhang sakay ng eroplano. Tatlong Pinoy ang kabilang sa listahan ng mga nasawi.

Salin: Jade

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>