Inaprobahan kahapon ni Haring Bhumibol Adulyadej ng Thailand ang listahan ng legislative assembly na binubuo ng 200 miyembro. Pagkaraang buuin ang naturang legislative assembly, agarang magkokonsentra ito sa paghahalal ng punong ministro at pagbuo ng transisyonal na pamahaaan. Iniutos din ng haring Thai na idaraos ang unang pulong ng legislative assembly sa ika-7 ng buwang ito.
Ayon sa ulat ng Thai media, mahigit kalahati ng nasabing 200 miyembro ay retirado o kasalukuyang opisyal na militar. Ang mga ibang miyembro ay kinabibilangan ng mga dating opisyal ng pamahalaan, dating mambabatas, dating miyembro ng nagsasariling organo, pulis, iskolar, dalubhasa at iba pa.
Salin: Vera