|
||||||||
|
||
Binigyang-awtorisasyon kahapon ni Pangulong Barack Obama ng Amerika ang tropa ng kanyang bansa na isagawa ang air raid laban sa Islamic State of Iraq and Syria (ISIS), isang ekstrimistang organisasyon galing sa Iraq.
Nitong ilang araw na nakalipas, patuloy na sumusugod ang naturang organisasyon sa loob ng Iraq, at malapit na ito sa lunsod ng Erbil, kung saan may konsulada ang Amerika at mga nakatalagang tagapayo ng tropang Amerikano. Kaugnay nito, ipinahayag ni Obama na matamang mamatyagan ng Amerika ang pangyayari. Aniya pa, magsasagawa ng operasyon ang tropang Amerikano, sakaling magkakaroon ng banta sa naturang konsulada at embahada ng Amerika sa Baghdad.
Ipinahayag din ni Obama na magkakaloob ang Amerika ng pangkagipitang tulong sa pamahalaan ng Iraq para mas mabisa nitong mabigyang-dagok ang naturang organisasyon. Magkakaloob din aniya ang Amerika ng makataong tulong sa mga sibilyang Iraki na apektado ng mga sagupaan.
Salin: Liu Kai
© China Radio International.CRI. All Rights Reserved. 16A Shijingshan Road, Beijing, China. 100040 |