|
||||||||
|
||
NAY PYI TAW, Myanmar—Binuksan kahapon ang tatlong-araw na Ika-8 Porum ng Tsina at ASEAN hinggil sa Kaunlarang Panlipunan at Pagpapahupa ng Karalitaan.
Sa kanyang talumpati sa Porum, sinabi ni Liu Yongfu, Puno ng Leading Group Office of Poverty Alleviation and Development ng Konseho ng Estado o Gabinete ng Tsina, na ang pagpawi ng kahirapan at pagsasakatuparan ng Millennium Development Goal (MDG) ay komong hangarin ng Tsina at mga bansang ASEAN. Aniya, sa Tsina, itinatampok ng usaping ito ang pagpapasulong ng kaunlarang panrehiyon ng iba't ibang lugar ng bansa at ang pagbibigay-tulong sa mahihirap na pamilya.
Si Ohn Myint, Ministro ng Livestock, Pangingisda at Kaunlarang Rural ng Myanmar
Sinabi naman ni Ohn Myint, Ministro ng Livestock, Pangingisda at Kaunlarang Rural ng Myanmar, kasalukuyang bansang tagapangulo ng ASEAN, na umaabot sa 62% ang poverty rate sa kanayunan ng ASEAN, kaya, nagtutulungan ang mga bansang ASEAN para mapahupa ang karalitaan; at kasabay nito, kailangan ding pahigpitin ng ASEAN ang pakikipagtulungan hinggil dito sa mga bansang kadiyalogo.
Sa isang video, sinabi naman ni Helen Clark, Administrador ng UN Development Program, na ang Porum na ito ay nakakatulong sa Tsina at ASEAN sa kanilang pag-uunawaan at pagbabahaginan ng karanasan hinggil sa pagpapahupa ng karalitaan at pagpapasulong ng kaunlaran.
Salin: Jade
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |