|
||||||||
|
||
Nanawagan kahapon si Ban Ki-moon, Pangkalahatang Kalihim ng United Nations (UN), sa komunidad ng daigdig na pangalagaan ang kaligtasan ng mga makataong tauhan at suportahan ang mga makataong aksyon sa buong daigdig.
Ang ika-19 ng buwang ito ay ika-6 na World Humanitarian Day. Ipinahayag naman ni John Ash, Tagapangulo ng ika-68 Pangkalahatang Asemblea ng UN, na ang nasabing araw ay hindi lamang papalaganap ng makataong diwa, kundi maging sa pangangailangan ng mas maraming makataong tulong na ipagkaloob ng komunidad ng daigdig.
Idinaos kahapon ng UN Security Council ang pulong para talakayin ang isyu ng pangangalaga sa kaligtasan ng mga makataong tauhan. Sinabi sa pulong na ito ni Wang Min, Pangalawang Pirmihang Kinatawan ng Tsina sa UN, na pinahahalagahan ng Tsina ang isyung ito at kinondena ang anumang marahas na aksyon na nakatuon sa mga makataong tauhan.
Ayon sa pinakahuling datos, noong 2013, naganap ang 251 insidente ng pag-atake na nakatuon sa mga makataong tauhan sa buong daigdig na nagresulta sa pagkamatay ng 155, pagkasugat ng 171 at pagka-hostage ng 134.
Salin: Ernest
© China Radio International.CRI. All Rights Reserved. 16A Shijingshan Road, Beijing, China. 100040 |