Sa isang resolusyong pinagtibay kahapon ng UN Security Council hinggil sa pagpigil sa armadong sagupaan, sinabi nitong ang pagpigil sa sagupaan ay hindi lamang isa sa mga pinakamahalagang tungkulin ng UN sa pangangalaga sa kapayapaan at kaligtasan ng daigdig, kundi isa rin sa pinakamasusing tungkulin ng ibat-ibang miyembrong bansa nito. Anito pa, bibigyan ng UN ang kanyang mga miyembrong bansa ng tulong sa usaping nabanggit, batay sa balangkas sa pagpigil sa sagupaan ng UN.
Kaugnay nito, ipinahayag ni Liu Jieyi, Pirmihang Kinatawan ng Tsina sa UN, na dapat isagawa ng komunidad ng daigdig ang mabisang hakbang para pigilin ang sagupaan, batay sa aktuwal na kalagayan ng mga nagsasagupaang bansa at rehiyon. Aniya, ang paglutas sa ugat ng dahilan ng sagupaan ay nagsisilbing susi sa pagpigil sa sagupaan. Samantala, ang koordinasyon at kooperasyon ng komunidad ng daigdig ay nagbibigay-garantiya sa usaping ito, dagdag pa niya.