Sa kanyang pakikipagtagpo kahapon sa Beijing sa mga Chief of General Staff ng mga kasaping bansa ng Shanghai Cooperation Organization(SCO), na kinabibilangan ng Kazakhstan, Kyrgyzstan, Rusya, Tajikistan at Uzbekistan, binigyang-diin ni Xi Jinping, Chairman ng Komisyong Militar ng Tsina na nakahanda ang Tsina na magsikap, kasama ng naturang limang bansa para komprehensibong tupdin ang narating na pangmatagalang tratadong pangkaibigan at pangkapitbansa ng SCO. Ani Xi, dapat palakasin ang papel ng SCO sa pangangalaga sa kaligtasang panrehiyon, pagpapasulong ng kaunlarang pangkabuhayan, at pagpapalakas ng pagpapalitan sa larangan ng humanidad.
Tinukoy niyang bilang kasapi ng SCO, igigiit ng Tsina ang pagtahak sa landas ng mapayapang pag-unlad at pagkatig sa prinsipyong mapagkaibigan, matapat, maginhawa at pagsasasgawa ng inklusibong patakarang panlabas sa mga kapitbansa. Dagdag pa niya, nakahanda itong pahigpitin ang estratehikong pakikipagpalitan sa iba pang kasapi ng SCO sa larangan ng magkakasamang pagbibigay-dagok sa terorismo, ekstrimismo, at separatismo para pangalagaan ang katatagan, kaunlaran at kasaganaan ng rehiyon.
Bilang kinatawan ng naturang limang bansa, ipinahayag naman ng Chief of General Staff ng Tajikistan na mabunga ang pagtutulungan ng mga kasaping bansa ng SCO, sa larangang panseguridad at pandepensa. Dapat aniyang tupdin ng mga tropa ng SCO ang komong palagay na narating ng kani-kanilang mga kataas-taasang lider, at magkakasamang magsikap para pangalagaan ang seguridad at kapayapaan ng rehiyon.