Beijing, Tsina—Nakipagtagpo kahapon si Wang Guanzhong, Pangalawang Puno ng Pangkalahatang Estado Mayor ng People's Liberation Army ng Tsina,sa mataas at katamtamang antas na opisyal na militar ng Kambodya na pinamumunuan ni Nim Sowath, Mataas na opisyal sa Ministri ng Tanggulang Bansa. Sa pagtatagpo, ipinahayag ni Wang na nakahanda ang Tsina na magsikap kasama ng Kambodya, para palakasin ang estratehikong koordinasyon, at palalimin ang aktuwal na kooperasyon, upang pasulungin ang pag-unlad ng relasyon ng dalawang tropa sa mas malawak na larangan, mas malalim at mataas na antas.
Sinabi ni Wang na pinahahalagahan ng tropa ng Tsina ang malalim na pagkakaibigan ng mga tropa ng dalwang bansa. Dapat lalo pang palaksin ang pagpapalitan ng mga opisyal militar ng dalawang bansa para pabutihin ang pagkaunawa, pagtitiwalaan at pagkakaibigan ng dalawang bansa, dagdag pa ni Wang.
Pinasalamatan naman ni Nim Sowath ang pagkatig at tulong na ipinagkaloob ng Tsina para sa konstruksyon ng bansa at tropa ng Kambodya. Sinabi niyang nakahanda ang kanyang bansa na magsikap, kasama ng Tsina, para magkakasamang pasulungin ang walang humpay na pag-unlad ng relasyon ng tropa ng dalawang bansa.
Salin:Sarah
