|
||||||||
|
||
JAKARTA, Indonesia--Pinasinayaan kamakalawa ni Pangulong Susilo Bambang Yudhoyono ng Indonesia ang Indonesian Hakka Museum.
Sa kanyang talumpati sa pasinaya, pinapurihan ni Susilo ang ibinigay na ambag ng mga mamamayang Hakka sa pagpapasulong ng pagsasarili at paglago ng Indonesia.
Idinagdag pa niyang ang nasabing museo ay makakatulong sa pagkaunawa ng mga mamamayang Indones sa kasaysayan ng mga kababayang Hakka na lumipat sa Indonesia mula sa dakong timog ng Tsina. Makakatulong din aniya ito sa integrasyon ng iba't ibang lahi ng bansa.
Matatagpuan ang museo sa Taman Mini, sa silangan ng Jakarta.
Umaabot sa 8 milyon ang bilang ng mga Hakkang Indones na katumbas ng 3% hanggang 4% ng populasyon ng Indonesia. Ang kanilang pambansang samahan na tinatawag na Indonesian Hakka Association ay itinatag noong 2008.
Salin: Jade
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |