Nilagdaan kahapon sa Minsk, Belarus, ng mga kinatawan ng pamahalaan ng Ukraine at mga lokal na sandatahang lakas sa silangang bahagi ng bansang ito ang memorandum hinggil sa pagsasagawa ng tigil-putukan simula alas-6 kahapon ng hapon, local time.
Pagkaraang lagdaan ang memorandum, iniutos ni Pangulong Petro Poroshenko ng Ukraine sa puno ng pangkalahatang estado mayor ng tropa ng bansa, na isagawa ang tigil-putukan.
Ayon pa rin kay Leonid Kuchma, dating Pangulo ng Ukraine, bago ika-8 ng buwang ito, bubuuin ng pamahalaan at mga lokal na sandatahang lakas ng Ukraine ang working group, para lutasin at ipatupad ang mga isyung may kinalaman sa tigil-putukan.
Samantala, ipinahayag naman ng UN, Rusya, at North Atlantic Treaty Organization ang pagtanggap sa pagsasagawa ng tigil-putukan sa silangang bahagi ng Ukraine. Hinimok din nila ang iba't ibang may kinalamang panig ng Ukraine na agarang isagawa ang komprehensibo at aktuwal na tigil-putukan.