|
||||||||
|
||
Matinding kinondena kahapon ng UN Security Council (UNSC) ang pagpatay ng Islamic State (IS), ekstrimistiko at teroristikong organisasyon sa Iraq, sa isang Amerikanong mamamahayag na si Steven Sotloff.
Ipinahayag ng UNSC ang lubos na pakikiramay at pakikidalamhati sa mga kamag-anak ni Sotloff. Binigyang-diin nito na dapat mabuwag ang mga katulad na ekstrimistiko at teroristikong organisasyon.
Si Steven Sotloff ay dinukot ng IS sa Syria noong taong 2013. Binigyang-diin ng UNSC na dapat igalang at pangalagaan ang kaligtasan ng mga mamamahayag sa mga nagsasagupaang rehiyon.
Ipinahayag ng UNSC na ang terorismo ay banta sa kasalukuyang kapayapaan at seguridad na pandaigdig. Nanawagan din ito sa iba't ibang bansa na buong sikap na bigyang-dagok ang anumang terorismo batay sa mga tadhana ng UN charter.
© China Radio International.CRI. All Rights Reserved. 16A Shijingshan Road, Beijing, China. 100040 |