Ipinahayag kahapon ni G.L.Peris, Ministrong Panlabas ng Sri Lanka na tunay na sang-ayon ang kanyang bansa sa pagtatatag ng Maritime Silk Road sa Ika-21 siglo na iniharap ng Tsina. Nakahanda aniya ang Sri Lanka na magsikap, kasama ng Tsina, para maisakatuparan ang hangaring ito.
Nang kapanayamin siya ng mga media na Tsino, sinabi ni Peris na ang pagdalaw ni Pangulong Xi Jinping ng Tsina sa Sri Lanka ay ibayo pang magpapalakas ng relasyon ng dalawang bansa at magpapalawak ng pamumuhunan at kalakalan sa isa't isa.
Umaasa aniya siyang mararating ng dalawang panig ang pagkakaisa hinggil sa kasunduan ng malayang kalakalan. Aniya, ang kasunduan ay magiging mahalagang progreso na makakabuti sa pagpasok ng mga produkto ng Sri Lanka sa pamilihan ng Tsina dahil sa "preperensyal na pasubali."
salin:wle