Sa Nanning, Rehiyong Awtonomo ng Guangxi ng Tsina—Nakipagtagpo dito kahapon si Zhou Qiang, Chief Justice at Puno ng Kataas-taasang Hukumang Bayan ng Tsina, kay Sundaresh Menon, dumadalaw na Chief Justice ng Kataas-taasang Hukuman ng Singapore.
Sinabi ni Zhou na nitong nakalipas na 24 na taon, sapul nang itatag ang relasyong diplomatiko ng Tsina at Singapore, lumitaw ang mainam na tunguhin sa pag-unlad ng relasyon ng mga Departamentong Hudisyal ng dalawang bansa, at madalas din aniya ang pagpapalagayan sa mataas na antas. Nananalig aniya siyang tiyak na palalakasin ng kasalukuyang pagdalaw ni Menon ang pagpapalitan at pagtutulungan ng sirkulo ng katarungan ng kapuwa panig.
Iniharap naman ni Menon ang mga konstruktibong mungkahi hinggil sa pagpapalakas ng pagpapalitan ng dalawang bansa sa gawain ng paglilitis sa mga kasong komersyal.
Salin: Vera
