Sa Punong Himpilan ng UN sa New York — Nanawagan kahapon si Li Bin, Puno ng Pambansang Lupon ng Kalusugan at Pagpaplano ng Pamilya ng Tsina, na magkakasamang pasulungin ang paglakip ng isyu ng populasyon sa agenda ng Kaunlarang Pandaigdig Pagkaraan ng 2015, at magkaloob ng mas maraming pagkatig sa mga umuunlad na bansa.
Sa kanyang talumpati sa Ika-29 na Espesyal na Pulong ng Pangkalahatang Asemblea ng UN , sinabi ni Li na ipinalalagay ng Pamahalaang Tsino na ang isyu ng populasyon ay isyu ng pag-unlad. Sapul nang Pandaigdigang Pulong ng Populasyon at Kaunlaran, isinasagawa ng Pamahalaang Tsino ang maraming hakbangin para mabisang makontrol ang labis na paglaki ng populasyon. Bunga nito, napapasulong aniya ang pag-unlad ng kabuhayan at lipunan, at malinaw na bumubuti ang kalidad ng pamumuhay ng mga mamamayan.
Salin: Li Feng