Sa Punong Himpilan ng United Nations (UN) sa New York—Ipininid dito kagabi ang UN Climate Summit sa taong 2014. Sa seremonya ng pagpipinid, nanawagan si Pangkalahatang Kalihim Ban Ki-moon ng UN sa komunidad ng daigdig na ipatupad ang ginawang pangako sa summit, at masikap na harapin ang hamon ng klima.
Isinalaysay ni Ban ang limang pokus ng kanyang "dokumento ng paglagom ng tagapangulo at bunga" para sa kasalukuyang summit: una, gumawa ang mga lider ng iba't ibang bansa ng pangako sa pagkakaroon ng may-katuturan at unibersal na kasunduan sa klima sa Paris Climate Conference sa taong 2015; ika-2, nilinaw ng mga pampubliko't pribadong departamento ang tsanel ng pangingilak ng pondo para sa pagbabago ng klima; ika-3, kinatigan ng mga lider ng pamahalaan at bahay-kalakal ang pagsasagawa ng mekanismo ng pagtakda ng presyo ng karbon sa iba't ibang paraan; ika-4, napatunayang ang pagpapalakas ng kakayahan sa pagharap sa pagbabago ng klima ay isang matalino't kinakailangang pamumuhunan; at ika-5, itatatag ang bagong liga para harapin ang iba't ibang hamon ng klima.
Salin: Vera