Sa kanyang talumpati sa pangkalahatang debatehan ng Ika-69 na Pangkalahatang Asemblea ng UN, sinabi kahapon ni Ministrong Panlabas Sergei Lavrov ng Rusya, na ang mga bansang kinabibilangan ng Estados Unidos na kasalukuyang nagsasagawa ng airstike sa Islamic State (IS), ay dapat makipagtulungan sa pamahalaan ng Syria para magkakasamang mabigyang-dagok ang mga terorista sa loob ng Syria. Aniya, ang mga aksyong militar ay dapat umangkop sa norma ng pandaigdigang batas.
Binatikos din ni Lavrov ang Amerika na binalewala ang demokratikong prinsipyo ng pangangalaga sa soberanong bansa na itinakda ng "UN CHarter." Bagama't dinulot ng mga aksyong militar ng Amerika ang grabeng resulta nitong ilang taong nakalipas, ang pagsasagawa ng panghihimasok na militar ay nananatili pa ring norma ng bansang ito, dagdag pa niya.
Salin: Li Feng